Weihnachtsessen im Statiönli Bottmingen

In däne besinnliche, Vorwiehnachst-Daage

Ghörsch d Lüt allewyl nur Fründlichs saage

wie gohts am Maa, i hoff, er sig gsund

I los ihn nät grüesse, ihn und au no dr Hund

Drumm hani dänggt, es wär sicher nit lätz

I würds au hüt z’Obe mache, in zwei, drei Sätz

Däne Fraue dangge, wo, ob mit oder ohni Trillerpfiffe

Wüchentlich an unserer Fitness schliffe

D’Yvonne het neui Kürs gmacht im „Move to fit“

Dasch e lässigi Sach, do machi gärn mit

An Schluss vo dr Choreo ghört e cooli Poose

Doch die goht bi mir leider immer in d Hoose

Gitts Bärbeli s’Turne, lueg i in alli Egge

Wo sie ächt dr Ball duet verschtegge

Will nach ihrne Kraftüebige chani erscht wider lache

Wenn mr alli Zämme es Völki mache

Turni bi dr Sylvia mit

Lehri Samba, Walzer und Mambo Schritt

Trotz ihrem sehr eigenartige Dialäggt verstand ich sie guet

Will lüpfigi Musigg sogar söttigi Sprochgränze überwinde duet

Numme s Fraueturne gäh, längt dr Christine nit

Drumm gitts sie au no s Winterfit

Gumpt mit de Chinder und au am Sunntig umme

Ich find das jo scho e bitzli gschpunne

Me griegt se fascht nit zue dr Halle uuse

Am liebschte würd sie uf em Mattewaage pfuuse

 

 

Das Turnjohr isch toll gsi, i will nit chlaage

Unseri Leiterinne händs super gmacht, das möchti do saage

Nur zums Hüftgold und d Zellulitis z bekämpfe

Sött me halt kei Turnstund schwänze

Jede Donnschtig ins Training z cho, s’isch wohr

Isch mi Vorsatz für’s neue Johr

Ob dr Bsuech vom Unggle Hardy

Oder am Goldhamschter sy Geburtsdags Party

Die Usreede zelle alli nümm, i blyb drby

Es sei denn, s fallt mr kei Besseri yy…..

Zum Schluss an unseri Leiterinne e härzliche Dangg

Die allerbeschte Wünsch fürs neue Johr und wärdet jo nit krank

Yvonne, Christine Bärbeli und Sylvia

Mir hän e riise Glügg, Euch in unserer Riigi zha!